Vedat Muriqi gjithnjë ka pasur një lidhje të veçantë me Turqinë, vend në të cilin u ngjit në majat e karrierës së tij. Sulmuesi shqiptar shkëlqeu fillimisht me Gençlerbirliginë dhe më pas u servir në sytë e kampionateve më të forta të Europës falë paraqitjeve fantastike me Fenerbahçen.
“Pirati“ nuk e ka harruar të shkuarën dhe ka vendosur të japë ndihmën e tij për të prekurit nga tërmeti shkatërrimtar që goditi Turqinë dhe Sirinë pak ditë më parë. Muriqi ka dhuruar 15 mijë euro në shenjë solidarizimi për të ndihmuar kështu sado pak personat që vuajtën pasojat e tmerrshme të tërmetit./Halit Delibashi-Sport Ekspres/