Mbetet e rrethuar me mister vdekja e mbrojtësit italian Davide Astori, i cili u gjet i vdekur dje në dhomën e hotelit në Udine, ku Fiorentina ishte grumbulluar para ndeshjes së kampionatit.
Kapiteni i Fiorentinës, 31 vjeç, kishte pësuar një arrest kardiak, ky është versioni i parë zyrtar, por nesër do të zhvillohet autopsia, me urdhër të Prokurorit në Udine, Antonio De Nikolo.
Ky i fundit ka hapur një hetim “për vrasje me autor të panjohur”, një procedurë e detyruar, derisa të sqarohet realisht ngjarja, sepse “është e çuditshme që të ndodhë diçka e tillë me një profesionist kaq të monitoruar, pa asnjë shenjë paralajmëruese”.
Dje paradite lojtarët e Fiorentinës zbritën për të ngrënë mëngjes dhe kur Astori nuk po dukej, një masazhator shkoi ta thërriste, por e gjeti në dhomë, pa jetë. I fundit që e kishte takuar Astorin ishte portieri Marko Sportielo, para mesnatës.
Funerali i futbollistit fatkeq do të zhvillohet të enjten paradite.
La Fiorentina e famiglia di Davide informano che l’autopsia sarà eseguita domani.
Davide tornerà a Firenze mercoledì dove,presso il Centro tecnico Federale di Coverciano,sarà allestita la camera ardente.
I funerali saranno a Firenze giovedì (ore 10) nella Basilica di Santa Croce. pic.twitter.com/ZFp6oa8gny— ACF Fiorentina (@acffiorentina) March 5, 2018