Hugo Lloris ka dhënë së fundmi një intervistë për prestigjozen “L’Equipe”, ku është ndalur edhe te Emiliano Martinez. Ky i fundit njihet për taktikat e tij shpërqendruese në momentin e penalltive, si dhe për festën e tij aspak të hijshme kur u shpall kampion bote me Argjentinën. Lloris është shprehur se nuk di të sillet në atë mënyrë, pasi është racional dhe i ndershëm.
“Ka gjëra që nuk i si ti bëj. Të bëj si budalla në portë, gjoja të destabilizoj kundërshtarin duke luajtur me caqet e tyre. Nuk di si ta bëj këtë. Jam shumë racional, shumë i ndershëm për të shkuar në këtë pikë”, ka thënë Hugo Lloris./Halit Delibashi-Sport Ekspres/