Një ndeshje miqësore ndërmjet Inter Miamit dhe Al Nasr nga Arabia Saudite ishte planifikuar për të enjten në mbrëmje. Kjo ndeshje ishte në qendër të vëmendjes së publikut botëror të futbollit, pasi planeti po priste me padurim përplasjen e fundit mes dy futbollistëve, Lionel Messi dhe Cristiano Ronaldo.
Megjithatë, Al Nasr bëri të ditur se Cristiano Ronaldo ka pësuar një lëndim që do ta mbajë jashtë ndeshjes kundër klubit të MLS. Pyetja mbetet nëse do të ketë një mundësi tjetër për takimin e dy rivalëve, edhe nëse do të jenë ende aktivë në futboll. /Elio Hajdari-Sport Ekspres/