Gjilani luajti mjaft mirë përballë një ekipi me emër si Apoel Nicosia, duke e çuar ndeshjen në minutat shtesë me porta të paprekura. Në 30 minutshin e “extra-time” qipriotët treguan eksperiencën e tyre në arenën europiane duke shënuar dy herë në portën e ekipit nga Kosova. Në minutën e 78-të Apoeli humbi një penallti çka rriti dhe shqetësimin e trajnerit grek Ouzonidis.
“Pas humbjes së penalltisë mendova më të keqen, por djemtë e mi treguan seriozitetin dhe nuk e ndaluan asnjëherë presionin. Në fund gjithçka shkoi mirë dhe u kualfikuam. Gjilani ishte vërtetë një skuadër e mirë dhe na krijoji shumë vështirësi. I përgëzoj”- u shpreh trajneri në konferencën për shtyp pas ndeshjes./Elio Hajdari-Sport Ekspres/