Granit Xhaka ishte tema e diskutimit në këtë merkato vere mes lojtarëve shqiptarë. Mesfushori pritej që të kalonte te Milani pas ardhjes së Igli Tares si drejtor sportiv.
Megjithatë kjo nuk ndodhi dhe as kthimi i paralajmëruar i Xhakës te Bazeli nuk do të ndodh kaq shpejt. Gazetari Fabrizio Romano ka treguar se Graniti ka mbyllur marrëveshjen me Sunderland.
Klubi anglez do të paguajë 20 milionë euro, ndërsa kontrata e Xhakës do të jetë deri në 2027. Mesfushori e njeh mirë Premier League pasi më parë ka qenë pjesë e Arsenalit. /Sport Ekspres/