Pas një merkato ku u shpenzuan shumë para në verë, Tirana nuk po i përgjigjet në mënyrën më të mirë në fushë investimeve të bëra. Gjithsesi bardheblutë janë në garën e titullit, në një kampionat të veçantë si i këtij sezoni, ku të gjitha ekipet janë të ngjeshura.
Por presidenti Refik Halili nuk ka ndërmend të ndalet as në merkaton e dimrit. Gazetari i njohur, Ylli Aga, zbulon vetëm pak nga tratativat e bardhebluve. Sipas asaj që ka shprehur për “Pressing” në “ABC News”, ka tratativa me një mbrojtës të Kombëtares. “Po flitet me një qendërmbrojtës të Kombëtares. Nuk e di se si do të shkojnë bisedimet”, ka thënë Ylli Aga. /Sport Ekspres/