Ashtu siç edhe pritej dhe u përfol në mbrëmjen e djeshme, Tirana e ka mbyllur kontratën dhe marrëveshjen me trajnerin Mema. Vetë klubi bardheblu ka dalë me një deklaratë zyrtare, duke u shprehur se për shkak të ecurisë jo të mirë në ndeshjet e fundit, ka ardhur edhe ky vendim.
Megjithatë tifozët nuk janë plotësisht të kënaqur dhe të qetë edhe pas këtij komunikimi. Sipas tyre duhet të shihen edhe “gjelat” e shumtë që ndodhen brenda skuadrës dhe trajneri i ardhshëm duhet të ketë aftësinë për t’i kontrolluar. Të paktën këto ishin reagimet e para në faqen zyrtare të “Facebook” sa i përket klubit të Tiranës. /Sport Ekspres/
