Dy golat e Bedri Grecës i japin Tiranës një fitore Superioreje. Bardheblutë dominuan ndaj Bylisit dhe tani e shohin veten vetëm 1 pikë larg ngjitjes në elitën e futbollit shqiptar. Në transfertën e Ballshit u bë gjithçka e thjeshtë me Grecën që realizoi vetëm 3 minuta pasi kishte nisur ndeshja, por njëkohësisht bëri të harrohet penalltia e shpërdoruar nga ana e Erando Karabecit pak sekonda më herët. Mesfushori kryeqytetas realizoi dhe në minutën e 27-të golin e dytë për të vulosur gjithçka. E lehtë për të besuarit e Ze Marias në pjesën e dytë që menaxhuan avantazhin dhe në fund dalin të fituar. Bardheblutë pas një sezoni në kategorinë e Parë duket se janë gati për ngjitjen në Superiore, që tani është vetëm çështje matematike, sepse diferenca me Bylisin është 10 pikë.