Tirana po beson gjithnjë e më shumë te akademia e saj dhe nga puna e mirë e bërë me moshat po korren edhe sukseset e para. Ernest Muçi, Ismajlgeci, apo Çelhaka janë emrat me të cilët bardheblutë mund të reklamojnë më së miri punën e bërë në akademinë e tyre. Të rinjtë janë e ardhmja e klubit dhe si e tillë duhet të mbetet në duart e sigurta.
Tirana rikthen në stolin e moshave dy ish-trajnerë të njohur të saj. Bledar Devolli ka marrë drejtimin e ekipit U19, ndërsa Julian Ahmataj atë të U17-ës. Dy trajnerë me një eksperiencë të madhe e që kanë drejtuar edhe në elitë janë garancia më e mirë për të çuar përpara projektin e nisur nga klubi kryeqytetas./Sport Ekspres/