Kriza e madhe e shkaktuar nga pandemia e Koronavirusit, na ka bërë që të gjithë të qendrojmë në shtëpi. Kështu mund të zvogëlojmë edhe përhapjen e tij, pavarësisht mërzisë që mund të shkaktojë ky izolim.
Por tifozët shqiptarë të futbollit e kanë zgjidhjen për të shtyrë kohën disa orë. Në datën 20 mars, në “Netflix” mund të shihni një film që të gjithë do ta dashurojnë. Bëhey fjalë për premierën e filmit “Ultras”.
I drejtuar nga ana e Francesco Lettieri, do të tregohet historia e Sandros, një tifoz i futbollit në plakje dhe udhëheqjes i ultrasve të Napolit të quajtur “Apache”. Në përballje me të kaluarën, kërkon të kthehet në jetën normale dhe paqësore. Por sa do t’ia dalë? Mbetet të shihet në 20 mars. /Sport Ekspres/