Nga Klaudio Ndreca
Thumbimet mes Partizanit dhe Tiranës nuk kanë të ndalur edhe në këto kohë, me faqet zyrtare të skuadrave, por edhe të tifozëve. Bardheblutë publikuan fitoren e fundit me rezultatin 5-1, duke e paraqitur si një film me metrazh të shkurtër.
Por nuk mund të mungonte edhe përgjigja e të kuqëve. Nëpërmjet grupimit të tifozëve “Baza 46”, paraqitet një trailer i një seriali, ashtu siç e quajnë edhe vetë ata, të përbërë nga 6 sezone dhe me nga 4 seri, ndërsa në fond dëgjohet “Dont hurt me, no more”. Kjo për të treguar fitoret e njëpasnjëshme të Partizanit dhe ato 5 vitet të kaluara pa asnjë humbje, derisa erdhi Egbo në krye. /Sport Ekspres/