Derbi i fundjavës pritet me shumë interes nga ana e të gjithë tifozëve shqiptarë, e për të mos folur më në veçanti për mbështetësit e të dyja skuadrave.
Ndërkohë menjëherë kanë nisur edhe thumbimet e para, për të ndezur situatën. “Ultras Guerrils” me një postim në “Facebook”, shkruajnë me ironi se takimi do të luhet në orën 19:00, pasi janë paguar dritat dhe nuk kursehen aspak me gjuhën e përdorur ndaj kundërshtarit.
“Të dielën luajmë ndaj ekipit që e dominojnë që prej gjenezës! Tifozeria e kuqe të bëhet gati për spektaklin e radhës në tribunë dhe të mbështesë Legjendën. Takimi luhet në stadiumin “Dinamo” në orën 19:00 sepse Refiku paska paguar më në fund dritat. Gjithsesi, duke shpresuar që miu të mos hajë sërish telat, shkojmë të gjithë së bashku për t’u shtrirë kabllin”. /Sport Ekspres/