Immobile dhe Caicedo duken të pamjaftueshme për sulmin e Simone Inzaghit. Lazio është duke përjetuar një moment fantastik nga i cili nuk duan të zgjohen. E nëse tentativat e janarit dështuan për të afruar një sulmues klasik, drejtuesit po përgatisin terrenin për merkaton e verës.
Kampionati duhet të mbyllet me sulmuesit aktual ndërsa për Champions League Igli Tare ka menduar të tjera alternativa. Pasi dështoi për të afruar francezin Giroud për shkak të konkurencës së lartë, Tare ka një tjetër emër. Vedat Muriqi është përfolur shumë edhe më herët te Lazio por si duket drejtuesit e duan me patjetër sulmuesin e Kosovës. Sipas mediave italiane Lazio nuk do të heqi dorë nga Muriqi, i cili mund të kushtojë deri në 20 milion euro./Sport Ekspres/