Në një vendim kyç për të ardhmen e garave të futbollit të klubeve, Gjykata Evropiane e Drejtësisë vendosi sot në Luksemburg se UEFA dhe FIFA vepruan në kundërshtim me ligjin e konkurrencës të BE-së duke bllokuar planet për t’u shkëputur nga Superliga.
Çështja u dëgjua në gjykatë vitin e kaluar pasi Superliga dështoi të nisë në prill 2021. Presidenti i UEFA-s, slloveni Aleksander ?eferin, i quajti drejtuesit e klubeve “gjarpërinj” dhe kërcënoi se do të pezullonte lojtarët nga klubet e Superligës.
Liga kontestuese me 12 klube, e udhëhequr tani vetëm nga Real Madridi dhe Barcelona pasi Juventusi u tërhoq këtë vit, nisi veprime ligjore për të mbrojtur pozicionin e saj, me Gjykatën e Drejtësisë që iu kërkua të vendosë mbi pikat e ligjit të BE-së.
Klubet akuzuan UEFA-n për shkelje të ligjit evropian duke abuzuar me pretendimin se ka dominimin e saj në tregun e konkurrencës së futbollit.
“Rregullat e FIFA-s dhe UEFA-s që kërkojnë që çdo projekt i ri i futbollit ndër-klubi t’i nënshtrohet miratimit paraprak të tyre, siç është Super Liga, dhe që ndalojnë klubet dhe lojtarët të luajnë në ato gara, janë të paligjshme”, tha gjykata.
“Nuk ka asnjë kornizë për rregullat e FIFA-s dhe UEFA-s për të siguruar që ato të jenë transparente, objektive, jodiskriminuese dhe proporcionale”, thuhet në vendim sipas mediave europiane. /Elio Hajdari-Sport Ekspres/