Duhet të ishte një natë me emocione, ashtu si jemi mësuar të përjetojmë… Dhe, ashtu ka qenë, sepse në Europë asgjë nuk është e lehtë, sidomos duke ditur se të gjitha skuadrat luftojnë dhe janë rritur.
Për ta kuptuar, mjafton të shohëh fitoren e Dudelanzhit ndaj Kluzhit rumun, apo barazimin e Setllikut në fushën e Suduvës, ekipit lituanez.
Pa harruar këtu edhe surprizën Zoria ndaj Lajcpigut, në Ukrainë dhe suksesin e norvegjëzëve të Saprsborgut ndaj ekipit me traditë, Makabi Tel Aviv.
Barazon Atalanta në shtëpi, teksa fitoi me një gol Rejnxhërsi i Xherardit ndaj rusëve të Ufas. Por, suksesi i rëndësishëm vjen nga Olimpiakosi, që shkatërron 3-1 anglezët e Bërnleit në Athinë. Fitore minimale për Seviljen, ndërsa vijon të konfirmohet edhe Zeniti, por sidomos superfuqia Genk, që edhe pa Zhegrovën, shënon pesë gola ndaj Brondbit.
E lehtë edhe për Rapid Vjenën ndaj Steaua Bukureshtit në Austri, teksa Malmo dhe Midytlandi ndahen në barazim me gola.
