Vllaznia ka bërë një goditje të madhe në merkaton e verës. Shkodranët kanë firmosr me Elmando Gjinin nga Ballkani. Një përforcim që vjen si huazim me të drejtë blerje të kartonit të futbollistit. Duke ditur vlerat e këtij lojtari, padyshim që kjo do të përforcojë shumë mbrojtjen e Vllaznisë.
“KF Vllaznia bën të ditur se ka arritur një marrëveshje me FC Ballkani për huazimin me të drejtë blerje të kartonit të futbollistit Elmando Gjini. Mbrojtësi shkodran do të jetë pjesë e skuadrës tonë për sezonin 2025-2026 dhe nga sot do të vihet menjëherë në dispozicion të stafit teknik duke qenë i gatshëm edhe për ndeshjet europiane”, shkruhet në reagimin e klubit. /Elio Hajdari-Sport Ekspres/