Ardhja e Andrea Pirlos do të sjellë mjaft ndryshime tek Juventusi, që ka rezultuar mjaft mirë edhe për lojtarin e kombëtares shqiptare, Xhakomo Vrioni. 21 vjeçari është stërvitur me ekipin e parë ditën e sotme, nën urdhërat e trajnerit të Juventusit. Kjo seancë ka rezultuar mjaft mirë për të, pasi shënoi dhe një gol.
Ideja e Andrea Pirlos është të krijojë një skuadër me moshë të re dhe talenta në skuadrën e Juventusit, çka është një lajm i mirë edhe për Xhakomo Vrioni, për të patur një shanc të luajë në ekipin e parë. Gjithashtu largimi i Higuani i rrit akoma më shumë shanset e aktivizimit të tij, pasi luan në pozicionin e sulmit. Xhakomi Vrioni debutoi me skuadrën e Juventusit në ndeshjen e fundit në Seria A përballë Romës. /Elio Hajdari-Sport Ekspres/
