Mourinho ka transformuar totalisht Romën në dy ndeshjet e para. Verdhekuqtë shkaterruan me rezultatin 0-4 Salernitanan. Pjesa e parë u mbyll me rezultatin 0-0, ndërsa në të dytën djemtë e Mourinhos u shndërruan totalisht. Dopieta e Pellegrinit dhe golat e Verotout e Abraham gjunjëzuan skuadrën e sapoardhur nga Seria B.
Në dy ndeshjet e para Roma duket një tjetër skuadër, krahasuar me sezonin e kaluar. Kryeqytetasit kanë shënuar 8 gola në 2 sfida, çka tregon një shifër mjaft impresionuese. Edhe pse jemi vetëm në fillimin e kampionatit, “The Special One” është duke vendosur rregullat e tij. /Elio Hajdari-Sport Ekspres/