Në një atmosferë elektrizuese në “Mercedes-Benz Stadium” në Atlanta, kombëtarja e Spanjës ka dhuruar një performancë mbresëlënëse në ndeshjen e vlefshme për fazën e grupeve të Kupës së Botës 2026, duke mposhtur Arabinë Saudite me rezultatin e thellë 4-0.
Që nga minuta e parë, “La Roja” tregoi dominim total në fushë, duke vënë në vështirësi të vazhdueshme mbrojtjen saudite. Spanjollët, të cilët vlerësoheshin si favoritë absolutë për këtë përballje, arritën të konkretizojnë epërsinë e tyre përmes një loje të organizuar dhe sulmuese, duke e mbyllur ndeshjen në 24 minuta.
Ky rezultat është një dëshmi e qartë e ambicieve të larta të Spanjës në këtë turne botëror. Me këtë sukses, skuadra e drejtuar nga De la Fuente konsolidon pozitën e saj dhe dërgon një sinjal të fortë për rivalët e tjerë. Për Arabinë Saudite, ndeshja shërben si një leksion i vështirë, ndërsa kërkojnë të përmirësohen në përballjet e ardhshme për të mbajtur gjallë shpresat për kalimin e grupit. Spanja konfirmohet sërish si një prej pretendentëve kryesorë për trofeun. Ndërkohë me golin e shënuar, Lamine Yamal ka kaluar Lionel Messin pasi me golin e parë të gjetur në Botëror, Yamal realizon golin e parë në Botëror, 14 ditë më i vogël se Lionel Mesi. /Sport Ekspres/