Nuk ka fitues në Talin. Partizani largohet me një barazim nga transferta estoneze. Përballja kundër Nome Kaljusë ka përfunduar me shifrat e barabarta 1-1. Pjesa e parë u mbyll me rrjeta të paprekura, ndërsa e dyta nisi me gola.
Vendasit kaluan të parët në epërsi. Matias Menilani zhbllokoi rezultatin në minutën e 47, por festa zgjati vetëm 4 minuta. Kur po kronometrohej minuta e 51-të, Xhuljano Skuka e dërgoi topin në rrjetë dhe fiksoi shifrat në ato përfundimtare 1-1. Kualifikimi do të vendoset në ndeshjen e kthimit, e cila do të luhet në Tiranë një javë më vonë./Sport Ekspres/