Skënderbeu ka mbyllur marrëdhëniet me Donjet Shkodrën, i cili dje u prezantua te Kukësi, duke e mbyllur pas vetëm pak muajsh qëndrimin në Korçë.
Kontrata me Skënderbeun u mbyll me mirëkuptim, sqaron klubi korçar, që gjithsesi nuk ofron detaje të tjera, përveç falënderimeve për mesfushorin.
“Pasi ka analizuar situatën, performancën dhe dëshirën e lojtarit, klubi ka ndërprerë me mirëkuptim mardhënien kontraktuale me mesfushorin Donjet Shkodra.
Klubi i Futbollit ‘Skënderbeu’ falenderon Donjetin për gjithçka ka dhënë me fanellën bardhekuqe gjatë kësaj përjudhe dhe i uron suksese në vazhdim.
Klubi po studion me qetësi mundësitë që na ofron afati kalimtar i janarit për të përforcuar edhe më shumë ekipin për pjesën e mbetur të kampionatit”.