Barcelona ka mposhtur 1-0 Atletico Madrid në derbin e La Liga-s dhe pavarësisht se ka fituar tre pikë, klubi katalanas është i pakënaqur me arbitrimin e Jose Sanchez Martinez dhe ekipit të tij. Media spanjolle “Sport” thekson se një nga asistentët madje ka spiunuar në dhomën e zhveshjes së ekipit vendas gjatë pjesës së parë dhe ka dëgjuar se çfarë thuhej.
Asistenti i gjyqtarit, Raul Cabanera dyshohet se ka shkuar në dhomën e zhveshjes për të spiunuar katalanasit dhe për të dëgjuar se çfarë thuhej për ta. “Në pjesën e parë të ndeshjes, ndihmës arbitri Raul Cabanero qëndroi para dhomës së zhveshjes së Barcelonës dhe u përpoq të dëgjonte nëse kishte ndonjë diskutim rreth gjyqtarëve. Një nga punonjësit e Barçelonës e këshilloi që të mos e bënte këtë dhe të largohej nga dera sa më shpejt të jetë e mundur”, shkruan media spanjolle. /Sport Ekspres/