Shqipëria do të luajë në shtator tre ndeshjet që janë të vlefshme për kualifikueset e Botërorit. Kuqezinjtë luajnë gjithçka për të arritur te mrekullia, atje ku kërkohet vendi i dytë. Sa i përket listës që do të thirret nga Reja, situata më problematike i përket Armando Brojës.
Ekipet e Premier League po ndalojnë lojtarët që t’i bashkohen Kombëtareve pasi varianti Delta ka nxjerr situatën nga kontrolli. Tashmë vëmendja mbetet te marrëveshja që pritet të vendoset, që lojtarët mos të qëndrojnë 10 ditë në karantinë pas kthimit. Më veçanërisht kjo situatë nuk i shkon përshtat Brojës që ka mbetur jashtë në dy ndeshjet e para, pasi nuk është përshtatur ende te Southampton. /Sport Ekspres/