Kur Kombëtarja po shijonte një nga periudhat më të mira në historinë e saj, dy lajme të këqija kanë ardhur për Silvinjon. Ardian Ismajli dhe Sokol Cikalleshi kanë rënë pre e dëmtimeve. Klubi Koniaspor ka njoftuar përmes faqes së vetë zyrtare gjendjen shëndetësore të sulmuesit kavajas. Në deklaratën e tyre mësohet se Cikalleshi do të qendrojë jashtë fushave për 2-3 javë. Silvinjo tashmë duhet t’i bëjë planet pa sulmuesin e tij kryesor për përballjen kundër Çekisë.
“Si rezultat i ekzaminimeve të lojtarit tonë, Sokol Cikalleshi, i cili u dëmtua dhe la ndeshjen në minutën e 66 kundër Çajkur Rizesporit, një dëmtim i shkallës së dytë është dalluar në grupin e muskujve të kofshës së djathtë dhe trajtimi i tij ka nisur. Futbollisti ynë vazhdon stërvitjen e tij me fizioterapistin. Procesi i rehabilitimit është planifikuar të zgjasë 2-3 javë”, ka njoftuar klubi Koniaspor./Halit Delibashi-Sport Ekspres/