Pas një muaji do të zhvillohen zgjedhjet për kreun e Federatës Shqiptare të Futbollit dhe që tani po nxehet situata, sepse kandidimi i Bashkim Finos (pritet sot në mbrëmje) ka nuanca të qartë politike.
Lajm vërtet interesant është ai që raportohet nga newsbomb.al: si rastësisht, Drejtoria e Përgjithshme e Tatimeve ka nxjerrë një urdhër për kontroll tatimor të klubeve të futbollit, pikërisht tani, kur janë shpallur zgjedhjet për presidentin e FSHF-së, duke e menduar këtë ndoshta si një mjet presioni për presidentët e këtyre klubeve që do të votojnë në 7 shkurt presidentin e ardhshëm.
Në urdhrin e kontrollit specifikohet se kontrolli do të kryhet nga data 22 janar 2018 deri në datën 7 shkurt 2018, pikërisht ditën e zgjedhjeve në FSHF.
Dikush, ndonjë keqdashës, mund të mendojë se gjithçka lidhet me zgjedhjet e FSHF-së dhe është një presion i hapur për klubet, duke u gjetur ndonjë problem juridiko-financiar. Fundja, para pak vitesh një gjë e tillë i ndodhte pak si shpesh Dinamos, kur filloi rrënimi i klubit dhe zbritja nga kategoria!
LISTA E KLUBEVE
KF Burreli sh.p.k
Klubi i Futbollit “Teuta”
Futboll Club “Besa”
Klubi i Futbollit Luz i Vogël 2008
Minifutboll FS Teuta
Klubi i Futbollit “Turbina”
Klub Futbolli “Shkumbini”
Shoqata e Futbollit “Pepa”
Klubi i Futbollit “Sopoti” sh.a
KF “Apollonia” sh.a.
Klubi i Futbollit “Albpetrol”
Klub Futbolli “Luftëtari”
Klub Futbolli “Lushnja 1930”
Futboll Klub “Tepelena”
KF Luftëtari
Klubi i futbollit “Skënderbeu”
Klubi i Futbollit “Besëlidhja”
Klubi i futbollit “Adriatiku” Mamurras
Klubi i Futbollit “Laçi”
Shoqata e Futbollit “Besëlidhja”
Shoqata e Futbollit “FK Shënkolli Lezhë”
Klubi i futbollit “Butrinti”
K.F Delvina
Klubi i Futbollit “Vllaznia”
Partizani sh.a