Nga Klaudio Ndreca
COVID-19 është një sfidë e madhe për të gjithë botën moderne, që po vazhdonte eksperimentet për të zbuluar planete të reja ku mund të ketë jetë, por duke iu nënshtruar dhe përulur mikrogjallesave. Vërtet paradoksale, por shumë shtete i kanë mbyllur qytetarët e tyre në shtëpi për të mos pasur shumë humbje jete nga kjo pandemi.
Ndërkohë që në Shqipëri shifrat zyrtare janë shumë të përmbajtura dhe mund të quhen sukses, ajo që nuk po mendohet, është një plan për të lehtësuar disi psikologjikisht qytetarët. Shpeshherë është thënë edhe nga kryeministri Rama se kjo nuk është parësore për të, megjithëse mund të jetë për shumë shtete të tjera, pasi shqiptarët mund t’i bëjnë ballë kësaj vështirësie psikologjike pa dëme.
Shqetësimin e ngre edhe trajneri i “Football Republic”, Erbim Fagu, që me të drejtë shprehet se nga ky izolim i gjatë po dëmtohen shumë edhe fëmijët, që shenjat e këtij izolimi do të vazhdojnë që t’i shfaqin për një kohë të gjatë. /Sport Ekspres/
