“Shqipëria ka si objektiv Europianin”! Rei Manaj tregon në Spanjë si u largua nga Barcelona në verën e nxehtë: Bisedova vetë me Koeman…

Rei Manaj do të shkaktonte jo pak jehonë me ndeshjet përgatitore të sezonit të ri të Barcelonës. Sulmuesi shqiptar shënoi më shumë gola se gjithë futbollistët e tjerë në ekipin e parë të katalanasve. Megjithatë sërish nuk arriti që ta bindte trajnerin Koeman, me këtë të fundit që vendosi për huazimin e Manajt. Në një intervistë të fundit për mediat spanjolle, Manaj ka treguar gjithë situatën e përjetuar në verën e nxehtë dhe ka folur pas golit të parë që shënoi me Spezian ndaj Sasuolos.

“Ndihem mirë te Spezia, e vërteta është se ishte pak e vështirë në fillim. Nuk është e njëjta gjë si te Spezia dhe te Barcelona, ndryshon shumë filozofia. Te Barcelona kërkonin shumë pjesën e kontrollit me topin, ndërsa te Spezia është filozofi tjetër loje dhe tani mund të them se jam ambientuar dhe po ndihem mirë.

Thiago Mota? Trajneri pëlqen të kemi topin ne duke e kontrolluar, por ka edhe shumë punë fizike për të bërë. Ai pëlqen që ekipi të jetë intensiv, të vrapojë shumë dhe gjithashtu seancat stërvitore janë shumë intensive. Ai është një trajner i mirë dhe ka hapësirë ??për rritje.

Barcelona? Në fillim pata disa vështirësi për t’u përshtatur me Barcelonën. Mes stilit të Barcelonës dhe skuadrave të tjera ka shumë dallime. Muajt ??e parë nuk u ndjeva shumë rehat, por më pas arrita të përshtatem dhe shënoi 14 gola në vit. Tani uroj se do të kem një numër dyshifror edhe për golat e këtij sezoni.

Si vendosa të largohem te Spezia? Kur po vinin ditët e fundit të merkatos, shkova të bisedoj vetë me trajnerin Koeman. Po ndihesha mirë te skuadra dhe kisha realizuar disa gola. Më tha hapur se kisha pak hapësira në projektin e tij dhe për t’u ndierë më i rëndësishëm për skuadrën, duhej që të shkoja diku në huazim për 1 vit. Duhet parë se çfarë do të ndodhi më vonë.

Kombëtarja? Ne kemi në grup lojtarë me shumë cilësi dhe që janë vërtet të mirë. Jemi futbollistë të rinjë, por që tani kemi marrë shumë eksperiencë nga e kaluara. Për këtë arsye, mund të themi se objektivi i Shqipërisë ka qenë kualifikimi në Europian dhe do e tentojmë. Në Botëror u renditëm në vendin e tretë pas Hungarisë”, tha Manaj. /Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online