Gëzim Sinemati ka shpërthyer në lidhje me opinionin mediatik mbi komentimin me ecurinë e Tiranës. Duke parë që bardheblutë ishin të pathyeshëm deri në përballjen ndaj Kukësit, duke arritur thuajse perfeksionin, u fol shumë edhe për një afrim të mundshëm me titullin kampion.
Por Gëzim Sinemati, i ftuar në emisionin “Procesi Sportiv”, ka shpërthyer në lidhje me këtë qasje, duke pasur një mendim krejtësisht të kundërt nga pjesa tjetër.
“Kush e quan pretendent Tiranën? Në Serinë A asnjëherë nuk e thotë një ekip që ngjitet në elitë: “Unë do fitoj titullin kampion”. Lërë se çfarë ka qenë, po ku është dhe për çfarë ka luftuar në këto vite. Ta gjykojmë për luftën që bëri, jo për atë që do bëj. Ky është vetëm fillimi i kampionatit dhe menjëherë: “Tirana është kampion”. Atëherë kështu është edhe Bylisi”, ka thënë Sinemati. /Sport Ekpres/