Nga Klaudio Ndreca
Në Belgjikë nuk kanë ndërmend që të lejojnë asnjë sjellje të tepruar të futbollistëve përgjatë kësaj kohe ku COVID ka arritur kulmin e tij në këtë valë të dytë. Në ekipin ku luan edhe Sindrit Guri, Ostende, kanë përjashtuar portierin Fabcrice Ondoa.
Ky i fundit kishte menduar që të organizonte një festë disi të shfrenuar në shtëpi gjatë izolimit. Për shkak të zhurmave të mëdha ka ardhur edhe policia që ka gjetur 10 persona brenda banesës. Pasi lajmi bërë xhiron e mediave belge dhe u mësua e vërteta ka reaguar edhe klubi.
Duke dënuar tërësisht aktin dhe duke i kujtuar lojtarëve që nuk mund të bëjnë sjellje të tilla kaq të papërgjeshme, përgjegjësia është marrë duke i shkëputur kontratën portierit kamerunas që ka bërë valixhet gati dhe do të largohet nga Ostende. /Sport Ekspres/