Berat Gjimshiti luajti nga minuta e parë në humbjen e Atalantës me shifrat 0-2 ndaj Bolonjës. Në ditën më të zezë të ekipit të Bergamos, mbrojtësi shqiptar ishte më i miri i takimit. “TuttoAtalanta” e ka vlerësuar me notën 6, duke e ngritur mbi të gjithë të tjerët.
“Ishte lojtari i ndeshjes në skuadrën e tij, me një paraqitje solide dhe pa gabime. Sikur të gjithë të luanin si ai, rezultati do të ishte ndryshe”, shkruhet në vlerësimin për Gjimshitin. Së bashku me shqiptarin, notën 6 e ka marrë edhe Musso, ndërsa lojtarët e tjerë janë vlerësuar mesatarisht me notën 4.5. /Sport Ekspres/