Mbrëmjen e së shtunës do të luhet një nga sfidat vendimtare për rrjedhën e kampionatit italian. Interi dhe Milani do të përplasen me njëri-tjetrin në derbin e Milanos, rezultati i të cilit do të thotë shumë për garën për titull. Interesi është i madh dhe tashmë janë shitur të gjitha biletat e vëna në dispozicion për këtë duel.
Por problemi i vetëm për të shtunën do të jetë fusha. Në dyshemenë e “San Siros” janë bërë punime e si pasojë fusha duket me nuance të ndryshme të jeshiles. Për këtë arsye, në mënyrë që gjithçka të duket mirë për syrin e tifozëve, tapeti do të lyhet dhe pamja do të jetë e njëtrajtshme./Halit Delibashi-Sport Ekspres/