Austini ka marrë një fitore 3-2 në përballjen kundër El Pasos në “US Open Cup”. Protagonist në këtë ndeshje ishte edhe Myrto Uzuni, i cili shënoi golin e dytë për skuadrën nga Teksasi. Sulmuesi shqiptar ka thënë pas përfundimit të lojës se karakteri dhe uria e lojtarëve ishin arsyet e përmbysjes së kësaj sfide.
“Patëm karakter dhe uri. Të gjithë ishin të uritur për të fituar dhe për të sulmuar në çdo moment. Mendoj që të gjithë bëmë një punë të shkëlqyer në pjesën e dytë, por gjithashtu edhe në pjesën e parë. Ky është futbolli. Pësuam 2 gola, por duhet të jemi të lumtur me këtë fitore”, ka deklaruar Myrto Uzuni./Sport Ekspres/