Kristjan Asllani është kthyer për të luajtur me Interin, këtë herë kundër Salernitanës. Mesfushori shqiptar bëri gabimin e madh ndaj Barcelonës duke i mohuar zikaltërve avantazhin dhe kualifikimin e menjëhershëm nga grupet e Champions League.
Por tifozët e Interit janë dashuruar me Asllanin për shkakun e mënyrës së përjetimit pas asaj që ndodhi, gjë e cila nuk shihet shpesh në futbollin modern që zakonisht është i fokusuar te paratë dhe jo te ndjenja.
Për këtë arsye, në minutën e 72 të takimit kur Asllani mori vendin e Mkhitaryan, në San Siro janë ngritur të gjithë tifozët për të duartrokitur jo vetëm lojtarin që doli nga fusha, por edhe mesfushorin shqiptar për t’i dhënë mbështetje. /Sport Ekspres/