Trajneri i Argjentinës, Horge Sampaoli, ka pranuar se disfata e rëndë në Spanjë e ka kapur në befasi, duke thënë se skuadra e tij “u mor me shpulla”. Ishte një ndër humbjet më të thella në historinë e Argjentinës, me skuadrën e Sampaolit që u shpërbë pas pushimit, ndërsa u ndje shumë mungesa e Lionel Mesit.
“Duhet ta analizojmë mirë këtë ndeshje, këto gjëra nuk duhet të ndodhin në Botëror. Spanja na mori me shpulla, duhet të punojmë shumë. Këto janë rezultate anormale dhe gjithçka duhet analizuar me kujdes, si në aspektin taktik, ashtu edhe atë emocional. Nuk e prisnim një Spanjë kaq të fortë”.