Shqipëria e mbylli me sukses fazën e parë të ndeshjeve të kualifikuese për Botërorin Katar 2022, duke mposhtur në transfertë San Marinon me shifrat 0-2. Pavarësisht se loja nuk ka qenë në pritshmëritë e tifozëve, statistikat janë ato që bindin këdo. Numrat e kuqezinjve i kanë bërë përshtypje edhe UEFA-s, e cila në faqen zyrtare për Euro2020 ka shpërndarë një postim ku ngre pyetjen: “Sa i mirë është ky ekip i Shqipërisë”?
Ndërsa më tej njeh të gjithë ndekësit me statistikat e ekipit të drejtuar nga Edi Reja. “Të pamposhtur në 6 ndeshjet në transfertë pa pësuar asnjë gol. Kanë fituar 2 nga 3 ndeshjet për kualifikueset e Kupës së Botës. Renditen të 3-tët në grupin I”, shkruan UEFA në faqen zyrtare. Postim ky që më pas është shpërndarë edhe nga ana e FSHF-së./Halit Delibashi-Sport Ekspres/
