Kombëtarja e Rusisë vijon të jetë e pezulluar nga kompeticionet e UEFA-s dhe FIFA-s. Rusia nuk do të marrë pjesë në kualifikueset e Euro 2024, por në tryezën e Federatës ka mbërritur ftesa për një kompeticion të sapokrijuar. Federata e Futbollit të Azisë Qendrore ka ftuar ekipin kombëtar rus të marrë pjesë në kampionatin që do të zhvillohet për herë të parë në histori në muajin qershor.
Në këtë kompeticion, kundërshtarët e Rusisë do të jenë ekipe si Taxhikistani, Irani, Uzbekistani, Kirgistani, Turkmenistani dhe Afganistani. Gjithashtu është planifikuar të ftohet edhe një tjetër ekip nga kontinenti i Azisë./Halit Delibashi-Sport Ekspres/