Tomas Brdariç dhe Vllaznia kanë ndarë rrugët mbrëmjen e sotme. Kuqeblutë ndodhen larg objektivave të këtij sezoni, çka ka shtyrë klubin të shkonte drejt një vendimi të tillë.
Erdenis Gurishta ka falenderuar trajnerin gjerman për atë çfarë ka bërë gjatë gjithë kohës së tij në Shkodër. Kapiteni i Vllaznisë ka zgjedhur llogarinë e tij në “Instagram” për të shprehur vlerësimin e tij maksimal për Tomas Brdariçin.
“Riktheve atë që kishte munguar në Shkodër. Je njeriu i vitit. Fjalët janë të pakta për të falenderuar dhe jam i sigurt që kudo që të shkosh do të kesh sukses“, shkruan Erdenis Gurishta./Halit Delibashi-Sport Ekspres/