Një lajm i mirë për Kristian Panuçin, pasi Arlind Ajeti është rikthyer sot pas dëmtimit të pësuar në sfidën Krotone-Inter. Mbrojtësi shqiptar, megjithatë, ndryshe nga paraqitja me zikaltërit, deri në momentin e dëmtimit, sot ka zhgënjyer, ashtu si gjithë skuadra e Nikolës, që ka shënuar një gol nderi, por ka pësuar pesë të tillë në Bergamo, përballë Berishës & Co. Pikërisht “Titi” ka qenë thuajse i pashqetësuar gjatë gjithë ndeshjes, ndërsa Petanja, Kaldara, Iliçiç dhe dy herë Gomez kanë shënuar për bluzinjtë, në një tjetër fitore me shumë vlera për djemtë e Gasperinit. Ajeti mori edhe një të verdhë.
https://www.youtube.com/watch?v=oHQ0hWc-YtM