Është kompletuar brenda ditës java e 27-të e Kategorisë Superiore dhe është luajtur futboll kudo, pa dhunë e akuza, si rrallë në vitin 2019.
Partizani kryesues ka shpërdoruar rastin ideal për të mbyllur luftën për titull, sepse është mundur bujshëm në shtëpi nga Luftëtari i pabesueshëm i Julian Ahmatajt.
Kjo fitore e gjirokastritëve ka prishur gjithë planet e Tiranës, që është mundur në Vlorë duke humbur edhe penallti, ndërkohë që i ka prishur festën Kastriotit, që ka mundur po aq bujshëm Kukësin dhe priste pak ndihmë nga Partizani.
