Kualifikimi historik i Kosovës në fazën gjysmëfinale të “Nations League”, ka marrë vlerësim maksimal dhe institucionet shtetërore të vendit “fqinj”. Kabineti qeveritar ka miratuar propozimin e ministrit të kulturës, rinisë dhe sportit, Kujtim Gashi, për shpërndarjen e 500 mijë eurove shpërblim për përfaqësuesen e “dardanëve”.
Pak orë pas miratimit të shpërblimit ka reaguar dhe kryetari i Federatës së Futbollit të Kosovës Agimi Ademi, i cili me anë të një komunikate falënderoj institucionet për mbështetjen e madhe që po i japin sportit të futbollit në Kosovë.
Deklarata e presidentit të FFK-së
Suksesi i arritur mbrëmjen e kaluar nga djelmoshat tanë ka bërë jehonë të madhe jo vetëm në Kosovë, por gjithandej në botë. Ngritja e jashtëzakonshme e Kombëtares sonë dhe promovimi në Ligën C për edicionin e ardhshëm të Ligës së Kombeve, si dhe kualifikimi në “play-off” të Ligës D, nëpërmjet të cilës mund të sigurohet kualifikimi në Kampionatin Evropian 2020, ka bërë që sot të flitet kudo për futbollin e Kosovës. Sot, Qeveria e Kosovës, me propozim të ministrit Kujtim Gashi miratoi vendimin që Kombëtarja e Kosovës të shpërblehet me 500 mijë euro. Prandaj, si president i FFK-së dua të falënderoj publikisht ministrin, Kujtim Gashi për propozimin e dhënë, kryeministrin Ramush Haradinaj për mbështetjen e këtij vendimi dhe të gjithë kabinetin qeveritar, si dhe kryeparlamentarin Kadri Veseli, i cili qysh në fillim të kësaj gare kishte dhënë premtimin për mbështetje financiare në rast të suksesit të Kombëtares sonë. Kjo dëshmon që për dallim nga vendet tjera, qeveria dhe institucionet tona janë fuqishëm përkrah sportit, në këtë rast futbollit dhe na japin shtysë për suksese të reja. Faleminderit kryeministër, faleminderit kabinet qeveritar, faleminderit kryeparlamentar.
Jam i bindur se kësisoj të bashkuar do të korrim edhe shumë suksese tjera.
Na priftë e mbara!
Me respekt
Agim Ademi, president i FFK-së