Kosova shënoi një arritje të madhe në Lojërat Olimpike në Tokio, nga ku ekipi i xhudos u largua me dy medalje të arta. Distria Krasniqi dhe Nora Gjakova ngritën lart flamurin e Kosovës në Japoni, duke krenuar kështu gjithë shqiptarët anë e mbanë botës. Ekipi olimpik ka mbërritur sot në Prishtinë, ku një pritje madhështore është organizuar për ta.
Të artat e Kosovës janë pritur nga vetë kreu i qeverisë, Albin Kurti, i cili ka falenderuar sportistet për suksesin e madh të arritur. Në sheshin “Zahir Pajaziti” kanë qenë të pranishëm me mijëra qytetarë, të cilët kanë treguar mbështetjen e tyre për sportistet e Kosovës./Halit Delibashi-Sport Ekspres/