Bernard Challandes do të vazhdojë të jetë trajneri i Kosovës deri në fund të kontratës së tij. Humbjet e fundit në eleminatoret e grupeve sollën acarimet e tifozët të cilët kërkuan largimin e tij, por duket se asgjë nuk do të ndryshojë. Presidenti i Federatës së Kosovës, Agim Ademi ka pritur zviceranin në zyrën e tij, ku kanë folur për ndeshjet e ardhshme të Kosovës.
Bernard Challandes u shpreh i gatshëm për të dhënë më të mirën, që skuadra e tij të dali sa më mirë nga eleminatoret e Botërorit të Katarit. Nga ana tjetër, Agim Ademi siguroi mbështetjen e plotë të federatës për zgjedhjet dhe taktikat e trajnerit. Gjithashtu Agim Ademi siguroi trajnerin e Kosovës se do të sigurojë më shumë ndeshje miqësore me kombëtare të lehta, në mënyrë që të lojtarët e rinj të tregojnë potencialin e tyre. /Elio Hajdari-Sport Ekspres/