Një vizitë e veçantë ka ardhur para pak ditësh në zyrat e klubit të Tiranës. Bëhet fjalë për mbërritjen e presidentit të ri të Askolit që luan në Serie B, Karlo Neri.
Ky i fundit kërkon që ekipi i cili drejton të ketë një jehonë edhe më të madhe. Për këtë arsye po lidh bashkëpunime dhe me shumë klube të tjera jashtë Italisë. Ndalesa e tij e radhës ishte Tirana, ndërsa ka biseduar për shumë gjatë edhe me presidentin Refik Halili.
Të dy presidentët e klubeve kanë dhënë fjalën për një partneritet dhe bashkëpunim të plotë mes tyre, që do të jetë në aspektin e zhvillimit teknik. Më pas ka pasur kohë edhe për disa foto mes Halilit dhe Nerit, që të shkëpusnin një kujtim të bukur. /Sport Ekspres/
