Sezon i ri, rregulla të reja. Në Angli tashmë një kollitje mund të detyrojë arbitrin të nxjerrë kartonin e kuq nga xhepi pa hezitim. “Thë Times” bën me dije se Federata angleze ka vendosur të ndëshkojë ata persona që kolliten te kundërshtari, duke e cilësuar si një akt të rrezikshëm nisur nga situata me Covid-19. Por përpos një ndëshkimit me karton të kuqbrenda fushës së lojës, futbollistët mund të mos jenë të qetë edhe pasi të lënë stadiumin.
Kjo pasi kollitja me qëllim kundrejt dikujt nga prokuroria britanike cilësohet si një akt kriminal, në mënyrë të ngjashme me dhunën fizike. Pra, papritur mund të gjejnë edhe forcat e policisë të trokasin në derën e tyre. Kështu futbollistët në Anli duhet të tregohen të kujdesshëm në sezonin e ri në mënyrë që të shmangim momente të pakënshme./Halit Delibashi-Sport Ekspres/