Federata holandeze e futbollit bëri një spostim të kampionatit, duke i dhënë mundësinë Ajaksit të pushonte më shumë për të përgatitur gjysmëfinalen e parë ndaj Totenhemit dhe kjo gjë duket se e ka shqetësuar ndjeshëm trajnerin Poçetino.
Në lidhje me deklaratat e argjentinasit, i cili tha se nuk është e drejtë që Ajaksi ishte një javë pushim, ndërsa Totenhem vetëm tri ditë, ka reaguar së fundmi Erik Ten Hag. Numri një i stolit të “Harkëtarëve”, ka thënë se përfitimet e londinezëve në Premier Ligë nuk krahasohen me përfitimet në Holandë.
“Poçetino thotë që nuk është e drejtë që kemi pasur më shumë pushime ne? Ne luajmë në Eredevisie ku përfitohen 10 milionë euro nga të drejtat televizive. Totenhemi luan në Premier Ligë, ku përfitohen 200 milionë euro nga të drejtat televizive. Tani më thoni çfarë është e drejtë?”
Erik ten Hag: “Pochettino saying it’s unfair that we have more rest? We play in the Eredivisie where we get 10 million from TV-rights. They play in the Premier League where they get 200 million. So you tell me what’s fair?”
— AFC Ajax ? (@TheEuropeanLad) April 29, 2019