Ndihmësi i Rejës, Porrini, ka folur në Itali sa i përket Armando Brojës. Italiani e ka krahasuar me Leaon që po e dërgon Milanin te titulli kampion në Serinë A pas shumë vitesh. Ndërkohë është Napoli që ka shprehur interesimin e saj për të marrë shërbimet e sulmuesit shqiptar pasi pritet largimi i Osimhen.
“Nga viti i kaluar e deri më tani Broja është rritur shumë dhe në Southampton ka shpërthyer. Cilësitë e tij më të mëdha janë në zotërimin e topit dhe kalimin e kundërshtarit. Me krahasimet e duhura, na kujton pak Leaon se si bëhet i papërmbajtshëm. Është më pak i mirë me shpinën nga porta dhe në ndërtimin e aksionit, por në hapësira është shkatërrues”, tha Porrini. /Sport Ekspres/