Zhoze Murinjo nuk i ka kursyer kritikat edhe pas fitores 2-1 kundër Hataisporit. Trajneri i Fenerbahçes ka thënë për mikrofonin e “BeIn Sports” se diferenca e pikëve në tabelën e renditjes nuk reflekton diferencë në lojë. Portugezi ka akuzuar gazetarët për fshehje të së vërtetës.
“Përse keni frikë të thoni të vërtetën?! Përse?! Pse më bëni këto pyetje dhe përpiqeni të fshihni të vërtetën? Nga se kanë frikë njerëzit në këtë vend? Ti je gazetar, por edhe unë mund të bëhem gazetar. Vërtetë mendoni se diferenca e pikëve është diferenca e lojës së luajtur? Jo?! Atëherë tregoni të vërtetën”, ka deklaruar Zhoze Murinjo./Sport Ekspres/