Laçi – Apolonia ishte sfida përmbyllëse e javës së 9-të në kampionatin e vajzave. Fieraket u rikthyen te fitorja, teksa mposhtën me shifrat 0-12 ekipin e Laçit këtë të diel në “Reshit Rusi”.
Takimi më interesant i javës ishte ai mes Gramshi – Partizani, që u luajt të premten në “Shtëpinë e Futbollit” dhe që përfundoi me barazimin e bardhë 0-0. Një ndeshje mjaft e luftuar nga të dyja ekipet.
Kinostudio mundi në transfertë Lushnjen me rezultatin 5-0. Kryeqytetaset dominuan lojën, teksa shënuan që në pjesën e parë tre gola ndërsa dy golat e tjerë i realizuan në fraksionin e dytë.
Sfida Tirana – Egnatia është shtyrë për shkak të kushteve atmosferike dhe do të luhet në një moment tjetër.
Java e 9-të e kampionatit të vajzave
Lushnja – Kinostudio 0-5
Gramshi – Partizani 0-0
Tirana – Egnatia, e shtyrë
Laçi – Apolonia 0-12
Vllaznia – Teuta, e shtyrë