Ervin Fakaj nuk ka mbetur i kënaqur me paraqitjen e fundit të Shqipërisë. Pavarësisht fitores 2-0, ish-lojtari shqiptar ka thënë në studion e emisionit “Kuq e Zi” në “Supersport” se ekipi ynë kombëtar nuk pati rrjedhshmëri dhe rrezikshmëri në aksione.
“Patëm një goditje të Cikalleshit nga distanca dhe nuk pati asnjë kombinim. Unë nuk pashë asnjë aksion me kombinim. Në momentin që ti ke topin, ti duhet të kesh edhe një llogjikë. Të kemi një rritje edhe në lojë. Epërsia ishte e ndjeshme, por pa rrezikshmërinë e duhur. Nga ajo ndeshje, te kjo ndeshje, shpresoj që në këtë drejtim të kemi përmirësim”, ka thënë Fakaj./Halit Delibashi-Sport Ekspres/